東東楠楠~愛回家~

東東大爺的面口幾黑

qqcat | 3rd Mar 2010 | 貓地精靈生活 | (3 Reads)

我只係叫佢比手手ja~ 你地睇下東東大爺的面口幾黑.

比完手手我都會比D小食佢食吓, 等佢開心返. 但佢個食相食得好肉緊, 有點可怕

可愛楠

留言(0) | 引用(0)

楠爺新精頭同我開年

qqcat | 3rd Mar 2010 | 貓地精靈生活 | (5 Reads)

事源楠楠在貓樹. 我同佢頭貼頭跟住抱住佢. 點知東東整跌野, 楠楠嚇親好驚咁發哂狂亂出抓
結果.... 大家都估到的啦, 我掛哂彩, 抓花左塊面2大條, 頸抓花4條, 手抓左一大條流左好耐血的抓痕....
唉... 跟住我鬧鬼佢: 要走咪走我都無捉實你, 唔洗出抓呀!!
鬧多2句JA都無打打,楠爺佢玩嘔.... 唔知佢係比我"鬧到嘔"定"煩到嘔". 唉... 仔阿媽塊面仲要見人O架 emotion

比你抓花左唔係鬧2句都唔得呀

留言(0) | 引用(0)

縱壞東東??

qqcat | 23rd Oct 2009 | 貓地精靈生活 | (2 Reads)

BABA話我縱壞東東, 我邊有縱~ 係佢聰明JA事源: 我攞左D雞柳放廚房等佢溶雪, 東東在廚房睇住我做的. 東東同我出左廚房. BABA走左廚房東東好熱情咁做跟尾貓, 東東以為雞雞食得.
BABA其實係攞小食比佢地2個. 東東一心食雞雞, 見到唔係佢D熱情溶化哂, 走出廚房望住我.
BABA 話我成日比雞雞佢地食, 食到東東見到小食都唔多熱情. 超~~ 你比小食佢咪又係一樣照食.
後話: 東東比我想像聰明. 知道我攞左D雞雞係佢的. 成日都入廚房睇我蒸未.見到未蒸會從廚房走出來, 坐正我前面望住, 跟住會咪咪叫.
平日我煮飯佢會坐垃圾筒睇我煮, 但蒸雞雞佢會好乖咁坐廚房門口等食

留言(0) | 引用(0)

教識東東比手手

qqcat | 23rd Oct 2009 | 貓地精靈生活 | (2 Reads)

東東豬好叻呀, 我間中比小食時順手教佢比手手. 今日佢終於教識比手手啦. 不過呢, 東東只會聽我指令, baba 係咁叫"東東手手" 東東都無理佢.
我見baba 叫"手手"叫左好耐. 我又伸手出來叫"手手", 東東伸手比我. 哈哈哈... 東東抵我咁鍚你
不過呢要東東比手手我, 我一定要有小食在手佢先會理我
至於楠楠呢, 佢仲未識. 或者咁講,佢識不過唔做ja

留言(0) | 引用(0)

搜虫記 >> 楠楠

qqcat | 23rd Oct 2009 | 貓地精靈生活 | (4 Reads)

唔好睇小楠楠成日瞓, 其實佢好保護家園. 細到螞蟻,大到大強都係楠楠最先發現
半夜3更佢baba無開燈在廳上網. 楠楠窗台瞓瞓下, 起身去sofa底"了了"下.
baba 睇下楠楠搞咩野. baba係sofa底見到飛虫!! 原來楠楠想去捉虫.
佢個BABA笨手笨腳去捉虫點知比佢走掉! baba 摩摩楠楠個頭同佢話捉左啦
baba 你估楠楠盲的咩, 佢睇到你根本無捉到! 楠楠無理佢坐在sofa底望到實一實.
楠楠"今晚又要我出手啦~"

留言(0) | 引用(0)

怨言

qqcat | 23rd Oct 2009 | 自我生活 | (3 Reads)

自問做足本分, 你唔得我頂住.頂到我見底先出聲話頂唔住. 到頭來我得到d咩野. 咪又係個句"個a/c 出左糧同無糧出分分, 你唔明的啦"

我明, 我點會唔明, 我幫你幫到盡. 我現在已經係"個a/c 出左糧同無糧出分分". 仲要比d咁的說話我聽! 真係心淡!! 我真心真意去幫咁又點, 邊個會領我情, 幫忙=應份!!!!

應份的應份的, 邊個應份鍚我, 邊個應份等我生活無憂....我唔介意自己比自己的生活所需, 我唔想我支持住你的生活時仲要聽你的"說話"

無論我做幾多付出幾多.... 都從來無人欣賞....

留言(0) | 引用(0)

東東的"飛佛"

qqcat | 24th Sep 2009 | 貓地精靈生活 | (5 Reads)

我比士多啤梨東東食 [東東的"飛佛"]. 我知佢食得好知味, 但....佢個食相真係....好可怕~成隻餓鬼咁
飛機耳+ 咪哂眼係咁食. 食得好快, 好似怕有人搶咁. 佢咁瘦又大食, 真係好似一個食唔飽的餓鬼

留言(0) | 引用(0)

baba 成日同我爭仔

qqcat | 24th Sep 2009 | 貓地精靈生活 | (4 Reads)

星期日早上我例抱東東楠楠入房瞓. 咁東東入被窩, 呢個時候BABA仲出手想抱住我的東東豬! 我當然唔肯! 我用手推返東東過來.
東東比我地左推右推之後, 我地比東東自己選. 結果佢選我的大肶. 乖啦東東.
我一個星期得1,2日早上可以同東東瞓, BABA 咁都想同我爭真係衰呀佢東東BABY係我的啦!

留言(0) | 引用(0)

阻住我做瑜伽

qqcat | 24th Sep 2009 | 貓地精靈生活 | (3 Reads)

呢2日我在家中瑜伽+玩呼拉圈,家中2位大帝見我左扭右扭, 好似以為我撞邪咁望住我.
我玩呼拉圈時我無留意腳邊係貓樹仔. 我玩玩下BABA大叫"繼續扭, 唔好停. 楠楠企左上貓樹仔, 你個呼拉圈係佢個頭頂轉轉下!!